இசைப் புயல்

கரைந்து போகிறேன்
உன் இசையில்,
சில சமயங்களில்
பைத்தியமாகியிருக்கிறேன்...

மௌனக் காகிதத்தில்
நீ வரைந்த இசைக்கோலங்கள்
என் ஆன்மாவை வருடிப்போகிறது...

ஒரே பாடலை
ஒராயிரம் முறை கேட்டும்
ஒரு முறைகூட சலித்ததில்லை

மெட்றாஸின் மொஸார்டே
நீ இசையில் மேதைதான்

உன் இசைக்கு உயிர் இருக்கும்
உன் இசை உயிர் கொடுக்கும்

மொழிகளைத் தாண்டி
கண்டங்களைத் தாண்டி
எங்கும் தவழ்கிறது
உன் இசைக் காற்று

தமிழர்க்கு புகழ் சேரத்தாய் நீ

அலைகளில் மீட்டிய
உன் இசையை
கடல் கொண்டாடட்டும்...